المشهد الأول ( ... وفاء ... )
كانت بنوته رقيقه جميله اسمها وفاء
بنت ف عز أنوثتها كانت تضحك بكبرياء
تشوف نظره عنيها من بعيد تحس فيها اغراء
تقرب منها تتبرجل وكأن اللي ف عنيها دا حياء
كنت شايفها بنوته صعب جدا توصفها
عنيها سهام ترشق في القلب بنظرتها
كانت بنت كل جاملها بيتمثل في برائتها
كانت اشبه بطفله جميله تشدك بسكوتها
بصراحه كنت معجب بيها إعجاب غير عادي
خلت تفكير كل البشر ف وادي وانا ف وادي
حبيتها اه حبتها بس بشكل غير إرادي
كان حب شكله بيقول انه حب اجباري
اتقابلنا اول مره صدفه وكانت أجمل صدفه
فضلت مركز وتايه ف عنيها اكتر من دقيقه
لحد ما ضحكت ببراءه وقالت عدت دقيقه
كانت برائتها تجبرني ع الكلام ف لحظه
كنت صريح معاها جايز لأني حبتها من اول نظره
ف قولتلها انا معجب جدا بيكي على فكره
سكتت حبه وقالت ودا من أمته دي اول صدفه
مكنش قصدها تقلل من الصدفه او اول مقابله
دي كانت بتستدرج قلب برئ عشان يعلن حبها
فبصيت في عنيها والمرادي تأثير سحرها عدي حدودها
لقيت لساني بيقولها اعتبر يعني السكوت علامة الرضا
هو مكنش سكوت على قد ماكان تفكير في ردها
ف قولتها انا اللي دايب فيكي وبحبك جدا على فكره
فسكتت تاني وبصت ف ساعتها وقالت انا اتاخرت ع فكره
فمشيت وانا اللي فضلت تايه وسكوتها ملوش مِله
علامه استفهام كبيره خلتني تايه ف دنيا تانيه
فرجعت اعد النجوم من تاني واسهر ويا القمر
واحب فيها بيني وبين نفسي وتصرفات بتحير
لحد ما ف يوم جاتني رساله مكتوب فيها وحشني القمر
اتاريها كانت هيا قال وايه بتوصفني اني انا القمر
فطبعا اتغريت كالعاده ورحت عملت قهوه سكر زياده
ورنيت عليها وأول مافتحت سكتت ف قولتلها هيا عاده
فلقتها ردت وقالت لا مش عاده بس خايفه من الاعاده
ليكون فيها وجع اصلهم بيقولوا الحب آخره عذاب كالعاده
ف قولتلها بلاش نحكم باللي عدي واللي فات
وتعالي نعيش حياتنا بسعاده تمحي كل اللي فات
تعالى نسطر تاريخ الحب بإيدينا ونعيش الحب بكل اللغات
تعالى نحلم ببكره احلى والوعد يكون لحد الممات
ومن هنا بدأت حكايه احلى بنوته اسمها وفاء
بنت ف عز أنوثتها كانت تضحك بكبرياء
#الشاعر_عابدين_ابوالخير
شاكر جدا لأسره مجله مملكه همسات الادبيه على توسيق ونشر القصيده لكم خالص تحياتي وجزيل الشكر
ردحذف