ماتشوف اصل الحكايه ايه؟
اصل الحكايه علم
اصل الحكايه الم
اصبر هقولك ايه
اصل الحكايه حكايه محكيه
ساعات تكون فقايري
وساعات..... ملكيه
تكون حبيبه ساعات
بطرحه وجلابيه
وساعات تكون
لا هيه وملهيه
اصل الحكايه
بطل طول عمره قلبه سليم
وقت الشده سند .... أسد
وقت الغباره مطر
وقت المجاعه كريم
اصل الحكايه
كات بت اموره
بحجابها كانت قمر
حلوه وسنيوره
بحيائها يخجل جبل
لو شافها ف الصوره
ويطاطي ليها الجمل
ساجد علي ركابه
مجهز لها هودج
وتدوس علي اركابه
وكلامها زي النغم
صورتها جملة حياء
ف القلب محفوره
اصل الحكايه
كبير.... محني من الشيبه
ولسانه طهر وصلا
وم يعرف العيبه
وجذوره ل الفين جد
وعلي وشه مليون حد
وباينه ....الهيبه
لا يعرف النفاق
ولا. يعرف الخيبه
اصل الحكايه
شب ... من صغره
واد راجل
اصل وصرامه وعدل
والجته ف مراجل
طاهر بعزم شديد
تشوفه شوفت عيد
ف الخوف قلبه حديد
تطبطب عليه يبكي
ولا عمرهوش يشكي
عيونه كيف الصقر
غضبه خراب عاجل
اصل الحكايه
ام... ملكه ولابسه التاج
حجه من الحجاج
قويه كيف العاج
وناعمه وغريبه
م الكل دي قرييبه
ضحكتها تملا الكون
بنحبها وبجنون
وبيها كله يهون
ويزيد بها الانتاج
اصل الحكايه
اب ..طول بعمره بيجاهد
عمره مكان جاحد
ولا عمره كان فاسد
بايده يبوس الارض
تطلع له منجتها
عصفور بين الشجر
صوته كمنجتها
ودايما مصلي الفرض
بيوحد الواحد
اصل الحكايه
بيت ..اصيل ومتاصل
بالحب متفصل
وشيمته الاتحاد
ابدا ميننصل
في لمته جيش
في العيشه قبل العيش
كرامته فوق الكل
وف عزته سلطان
سابق ميتحصل
اصل حكايه
شعب طول عمره متماسك
وبدينه متماسك
بوحدته ل اخوات
وريحته متمسك
بيصلي جوه الكنيسه
ويسبح ف جامع
ملهوش نوايا خبيثه
للقاري والسامع
ميقولشي مع السكران
يا دنيا فين كاسك
اصل الحكايه حكايه
وحكايه محكيه
الراوي فيها الصبر
بيشق بيها الصدر
بيصلي بيها العصر
اصل الحكايه مصر
اصل الحكايه مصر
.......
سيف عثمان
إرسال تعليق