من وحي هذه الصورة الصعبة كتبت هذه القصيدة بعنوان #ست_بهانة أتمنى تعجب حضراتكم وتوثيقها
ست بهانة
ليه شقيانة
شوفتك سارحة وسايبة البيت
ليه زعلانة
وليه تعبانة
علشان لقمة ومَلح وزيت
ما انتي قعدتي وقت كبير
حاطة مشنة تبيعي الفجل
بيعتي لمون وكمان جرجير
عاوز أعرف اي اللي جرالك
انتي زهقتي
ولا خسرتي
يلا قوليلي جرالك ايه
انتي خسرتي أكيد راسمالك
أصلاً يعني دا عشرة جنية
دا انتي وحيدة ملكيش حد
واقفة في شمس تبيعي الورد
واقفة تبيعي تنادي تهاتي
شاربة المر تملي يوماتي
واضح شكلك ست بهانة
واضح أوي إنك عيانة
وشك أصفر
عندك ضغط وعندك سكر
بس أصيلة وعندك عزم
لسة بتبكي كتير من عضمك
ما انتي أكيد عندك روماتيزم
إمشي بس شوية يا ريت
واقفي و بيعي في ضِل الحيط
دا انتي أصيلة وست عفيفة
سارحة تملي في شُغلة شريفة
لجل تسدي ايجار البيت
قولوا لاسيادنا البهاليل
اللي بيملوا تملي الكرش
واللي بيمشوا يهزو الديل
واللي بيلهط مابيشبعش
واللي جِبلّة واللي بخيل
واللي يقول دايماً ممعوهش
شفتوا الست واقفة تإن
واقفة بتصرخ أوي تعبانة
ممكن مرة قلوبكوا تحن !!؟؟
أصل المنظر شكله ُ إهانة
ينفع يعني تكونوا تنابلة !!
عايشة وشايفة عجوز غلبانة
ولا فيش واحد فكر إنه ُ
يكفل عنده ُ الست بهانة
إرسال تعليق