أعشق إمرأة المبدع أشرف رسلان

 .... يوم حلو ...

وتعدي السنين وتمر

يوم حلو ويوم مر

وأنا ودنيتي حكاية

علي كل لون بتمر

لو سنين الحزن شيلناها

وسنين الفراق نسيناها 

وسنين تعبنا وياها

إيه فاضل ما الزمن مر

حكايتي حكاية منسية

لا كانت ليها ولا ليا

ف غفلة زمن جاتلي هدية

يومين وبقت ذكري تمر

لقا بيننا وكان صدفة

وكلمة تجر كمان كلمة

قلت بحبك أنا علي فكرة

قالتلي خلي حكايتي معاك سر

لا أنا ليك ولا أنت نصيبي

لكن هتفضل ف قلبي حبيبي

قلتلها وليه عني هتغيبي

قالتلي ده طبع الحياه المر

وغابت عني بس عن عيني

مشيت وسابت جوايا حنيني

صورة كأنها نداهة تناديني

أسير ولا يوم عن حبها أنا حر

ومهما تعدي سنين عمري

لا تفارق ليلي ولا سهري

حكاية خيال معاه سري

سجين حبك وسجنك سر

..... أيمن بلال.....