#مخاصمك
يا نافضة خلاص انا مخاصمك
ماعدتش حِمل أعطالك
أكتر واحد أنا فاهمك
عنيدة وكاتمه أسرارك
و مهما يا نافضة تتحيلي
أنا مش هقبل اعذارك
كروتك خدتها ف حضني
رقيتها بآية الكرسي
يا نافضة ليه بقا تئني
فضحاني ف صبحي وف أمسي
شربت المر ف صيانتك
وجبت الشحم كحلتك
غريب يا نافضة ليه عطلك
يشوه فيا وف سيرتك
يا نافضة ياما غنيتلك
وكنتي أساس في أشعاري
منستش يوم انا صورتك
من خيرك بنيت أنا داري
يلا يا حلوه من تاني
هتلاقي حضني مستني
يا نافضة يا ساكنه وجداني
اياكي تروحي بعيد عني
أياكي تروحي بعيد عني
عصام رمضان جمعه
إرسال تعليق