ميت خسارة للشاعر حمدي توفيق

 ... رسالة ...

لا يوم عشقتك أنا

ولا كنت يوم مجنون

ولا يوم هويتك ضنا

وعشت هواكي ظنون

لا كنت يوم ليكي 

عاشق ضيا عينيكي

ولا حلم زماني فيكي

ولا بيكي قلت هكون

لا عاهدت قلبك عهد

ولا يوم رميتلك وعد

ولا بإيدي رسمت

ورده تطولها إيديكي

تفتح علي الخد ليكي

ولا كنت يوم ليكي 

ولا بيكي قلت هكون

عشقي ده كان للغير

ساكن هنا جنبك

وهوايا ده كان طير

وبغلطة راح عندك

مرسالي مش ليكي

ولا نظرتي لعينيكي

ولا كنت يوم ليكي

ولا بيكي قلت هكون

مش غلطتي ظنك

وده لا ذنبي ولا ذنبك

حقيقي معاكي مش ضدك

بس الهوي لا بيدي

عشان أرضيكي وترضي

رد هواكي مش عندي

وصعب يقدر عليه عندي

خايف كتير عليكي

بس عمري ما أكون ليكي

ولا أيامي هتعيش بيكي

ولا كنت يوم ليكي 

ولا بيكي قلت هكون

لا القلب ده بيدي

ولا عشقه من عندي

ولا تنتظري يوم ردي

ردي ده مش ليكي

ولا أملي في عينيكي

ولا كنت يوم ليكي

ولا بيكي قلت هكون

...أيمن بلال ...