.......فيها حاجه حلوه خالص
فــيها فـــن وفــــيها زوق
فــيها هامه إل فوق لفوق
فــيها لـــولي وليها طوق
كل مـــــــا أبعد عنها حبه
الاقي نفسي رجعت شوق
.........فيها حاجه حلوه خالص
فيها طبطبه ع الـــــكتاف
فيها نورعين إللي شـاف
فيها آمـــان ل إللي خاف
أيوه رسل الله جــــــولها
فيها خَـــطَّي وفيها طاف
.........فيها حاجه حلوه خالص
فيها أزمه وليها غــــول
فيها لحمه وفيها فــــول
فـــيها دول وفــيها دول
وإللي يصبر حبه فيها
فـــــيها إل يصبر ينول
.........فيها حاجه حلوه خالص
فيها حب الدنيا طـــيبه
فيها كخ و فيها عــيبه
فيها توقير كـــل شيبه
والكرم ل الكل تـِـــدي
فـــيها قوه وليها هيبه
.........فيها حاجه حلوه خالص
فيها شب بــــألف شب
فيها فــــلاح قام وهب
فيها طفل وخـطي دب
وإللي حافظ قوه عُليا
فيها طاعه وليها رب
.........فيها حاجه حلوه خالص
فيها قـــــلب كــــبير كـــبير
فيها حضن الــــــــمستجير
فيها هتنام ع الـــــــــحرير
وسط لـــــــمه تلاقي فيها
صحبه لو كان ع الحصير
.........فيها حاجه حلوه خالص
... والله حاجه حلوه خالص
....
سيف عثمان
إرسال تعليق